19-Iyun | 2026 |
| Juma
broken clouds
31°C |
Qarshi
Du-Ju: 08:00–18:00 | Sha: 08:00–14:00
Hodimlar soni 305 nafar
O‘zbekiston Respublikasi Prezidentining 2022 yil 26 yanvardagi “Yurak-qon tomir kasalliklarining oldini olish va davolash sifatini oshirish chora-tadbirlari to‘g‘risida”gi PQ-103-sonli qarori 2-ilova 18 bandi ijrosini ta’minlash maqsadida 11 mart kuni Respublika ixtisoslashtirilgan kardiologiya ilmiy-amaliy tibbiyot markazi va shu markazning Qarshi filiali o‘rtasida videokonferension aloqa shaklida telemeditsina muloqoti tashkillashtirildi.
Muloqotda Respublika ixtisoslashtirilgan kardiologiya ilmiy-amaliy tibbiyot markazi reanimatsiya bo‘limi boshlig‘i A.R.Esonov va Qarshi filiali direktori t.f.n. Y.R.Axmatov hamda kardioreanimatolog S.Raximova birgalikda Kardioreanimatsiya bo‘limida davolanayotgan 3 nafar og‘ir ahvoldagi bemorlar(D.S.,O.B.,K.R.)ning kasallik tarixi asosida bemorlar holati klinik jixatdan taxlil etildi. Telemeditsina muloqotida zamonaviy portativ telemetriya uskunasi orqali bemorning oila a’zolari ham bevosita ishtirok etishdi. Muloqot so‘ngida A.R.Esonov o‘zining zarur tavsiya va tushunchalarini berdi.
Innovatsion telemeditsinani izchil yo‘lga qo‘yilishi orqali aholining sifatli tibbiy xizmatdan foydalanishi kengayadi, olis hududlarda yashovchi fuqarolarimizning ilg‘or tibbiy xizmatlardan bahramand bo‘lishiga xizmat qiladi.
#Zero_tibbiyotdagi_islohotlar_inson_qadri_uchun
